Këta janë dy të arrestuarit që dyshohet se vendosën granatë dore te vetura e reperit ‘Noga’

Pas më shumë se një muaji, Policia ka arritur t’i arrestojë dy personat e dyshuar për shpërthimin me granatë dore në rrugën “Zekrija Cana”, në Prishtinë. Cak dyshohet se ka qenë vetura e reperit Agon Abdullahu, i njohur si Noga.

Sinjali ka mësuar ekskluzivisht se dy të dyshuarit që tashmë ndodhen nën masën e ndalimit policor për këtë rast janë: Egzon Fazlija dhe Florim Fazlija.

Incidenti që ndodhi më 12 prill po hetohet në drejtim të veprës penale “Shkaktim i rrezikut të përgjithshëm”.

Lajmin për identifikimin dhe arrestimin e të dyshuarve e ka konfirmuar edhe Policia në Prishtinë.

“Pas një pune intenzive hetimore zyrtarët e Njësitiit të hetimeve të Përgjithshme të rajonit të Prishtinës, kanë identifikuar dy persona të dyshuar. Rasti (shpërthimi i një granate) ka ndodhë me datën 12.04.2024,

Pas intervistimit personat e dyshuar me vendim të prokurorit të shtetit, janë dërguar në qendrën e ndalimit”, ka njoftuar policia.