Takimi në Bruksel nuk do të zhvillohet nesër por gjatë javës së ardhshme
Që nga sot [12 maj], valuta e euros do të jetë e vetmja që lejohet për kryerjen e transaksioneve me para të gatshme.
E lidhur me këtë çështje të dinarit pritet që javën e ardhshme të mbahet një takim tjetër i radhës mes kryenegociatorëve të dy palëve, ku pritet të diskutohet për modalitetin se Serbia do t’i dërgojë paratë komunitetit serb.
Kështu ka bërë të ditur për Portalin Dukagjini këshilltari politik i zëvendëskryeministrit Besnik Bislimit, Klisman Kadiu.
“Këtë javë që vjen, pritet të mbahet takimi i radhës. Por, nuk është nesër”, shtoi Kadiu.
Takimi mes dy palëve do të jetë i shtati me radhë, pa ndonjë marrëveshje të arritur.
