“U hakmora ndaj mësuesve”, aktori i njohur turk blen shkollën e tij të fillores dhe e shkatërron
Aktori i njohur turk Caglar Ertugrul ka pushtuar mediat në vendlindje, me veprimin e tij që i ka lënë të gjithë të tronditur.
Nëpërmjet një postimi në rrjetin social Instagram ku pozon para një grumbulli rrënojash, ai rrëfen se ka blerë dhe më pas shkatërruar shkollën e tij të fëmijërisë.
Në postimin që ka shkaktuar një stuhi reagimesh në rrjetet sociale, Ertugrul thotë se për veprimin e tij motiv ishte hakmarrja për “drurin që kishte ngrënë” nga mësuesit në fëmijëri.
Ai shprehet se është hakmarrë për shkollën që e ka traumatizuar mendërisht dhe fizikisht gjatë fëmijërisë, ndërsa një lum komentesh ku kritikohet për veprimin ka vërshuar në postim. Madje veprimet e tij janë cilësuar si destruktive dhe antiturke.
Ertugrul ka mbi 3 milionë ndjekës në Instagram dhe fansat e aktorit turk u ndanë mes atyre që e mbështetën aktin e tij dhe atyre që shprehen se po i dërgon mesazh të gabuar fëmijëve të vegjël.
View this post on Instagram
