“Probleme teknike” – Bllokohet shitja e biletave për Kampionatin Evropian

Shtëpia e futbollit evropian, UEFA, dje bëri të ditur se të enjten [sot] nga ora 11:00 do të nxjerrë në shitje mbi 100 mijë bileta për Kampionatin Evropian.

Dhe tifozët ia kanë mësyrë faqes zyrtare për shitjen e biletave. Por po hasin në shumë vështirësi. Madje, shumica po raportojnë se iu është bllokuar dhe është e pamundur blerja e biletave.

“Probleme teknike, ju lutem prisni një moment. Për momentin, kemi mbi 500 mijë tifozë që po presin për biletë. Po bëjmë më të mirën për të reduktuar kohën e pritjes”, thuhet në njoftimin e UEFA-s në faqen e blerjes së biletave.

Kishte bileta për të gjitha ndeshjet e Evropianit, përfshirë ato të Shqipërisë, e cila ka në grup Italinë, Kroacinë e Spanjën.

Kampionati Evropian në Gjermani nis më 14 qershor dhe përfundon më 11 korrik.