200 milionë euro për Vinicius

Ardhja më se e mundshme e Kylian Mbappe te Real Madrid do të ndryshojë të gjithë frontin sulmues të skuadrës së Carlo Ancelotti-t. Një nga ata që mund të ndryshojë pozicionin e tij është Vinicius.

Me ndryshimet e pritshme te Real-i, disa skuadra do të përpiqen të përfitojnë nga shqetësimi i mundshëm i brazilianit për ta larguar Vinicius-in nga “Bernabeu”.

Kështu, gazeta “El Debate” siguron se PSG është e gatshme t’i paguajë 200 milionë euro Real Madrid-it për Vinicius.

Media e lartpërmendur jo vetëm që e vendos PSG-në pas Vinicius-it, por shton se edhe Liverpool dhe Chelsea po ndjekin gjithashtu nga afër gjithçka që ndodh me brazilianin në rast se ka ndonjë mundësi për të arritur nënshkrimin e tij.

Problemi për ato klube të interesuara për brazilianin është se Real Madrid-i nuk planifikon të largojë Vinicius-in dhe ai nuk planifikon, për momentin, të largohet nga “Bernabeu”.

Braziliani e ka ndryshuar mënyrën e tij të lojës para ardhjes së Mbappe-s dhe tani, në më shumë se një rast, ai largohet nga krahu i majtë për të shkuar në qendër për të luajtur si “9”. Për më tepër, Vinicius është shumë i emocionuar për të luajtur përkrah Mbappe-s.

Nga ana tjetër, “El Debate” kujton gjithashtu se Liverpool- nuk e ka harruar Fede Valverde-n për të cilin skuadra angleze do të ishte e gatshme të paguante 150 milionë euro.

Ashtu si në rastin e Vinicius, as uruguaiani nuk dëshiron të largohet dhe as Real Madrid nuk dëshiron ta shesë atë.