Heroi që e pengoi hekurudhën e Serbisë deri në Adriatik
Me këto bëma ai do të kthehej në një personalitet kryesor në Plavë e Guci e më gjerë, një pengesë e pakapërcyeshme për realizimin e njërit nga projektet hekurudhore të Serbisë për daljen e saj në Adriatik, shkruan sot Koha Ditore.
Këshilltari rus për kauzën “e shenjtë sllave”
Kjo qe arsyeja e udhëtimit në Plavë e në Shqipërinë Veriore të Aleksandar Bashmakovit, këshilltar i Qeverisë ruse, publicist e antropolog.
Mbi të gjitha, me bindje sllavomadhe e shovinist i përbetuar. Udhëtimi i tij ishte në funksion të projektit të Serbisë së madhe. Për këtë ide ai do të angazhohej që nga rinia e tij, duke qenë njëri nga anëtarët më të zellshëm të Degës së Lidhjes Nacionale Panruse në Petrograd, e themeluar nga fillimi i shekullit XIX.
