Tabela e Superligës pas përfundimit të ndeshjeve të javës së 23-të
Kanë përfunduar dy ndeshjet e fundit të xhiros së 23-të në AlbiMall Superligën e Kosovës në futboll.
Prishtina i është rikthyer fitoreve, duke e mposhtur skuadrën e Lirisë me rezultat 3-1.
Fitore ka shënuar edhe Malisheva, e cila mposhti në udhëtim skuadrën e Gjilanit me rezultat 3-2.
Pas këtyre ndeshjeve, Ballkani kryeson tabelën e Superligës me 48 pikë, një më shumë se skuadra e Llapit.
Në vendin e tretë renditet Drita me 43 pikë ndërsa në vendin e katërt ndodhet skuadra Malishevës me 41 pikë.
Në tre pozitat e fundit renditen Gjilani me 22 pikë, Fushë Kosova me 15 pikë, ndërsa Liria është e fundit me 10 pikë.
