A e dini sa kilogram mund të humbni vetëm duke ecur?

Ju mund të humbni një peshë të konsiderueshme duke ecur dhe duke reduktuar marrjen e kalorive, por për rezultate të qëndrueshme, këshillohet që të mos humbni shumë kalori.

Përkatësisht, për humbje peshe afatgjatë duhet të humbni 1 kilogram në javë, që do të thotë se në mënyrë ideale duhet të eliminoni nga dieta juaj 250 deri në 500 kalori në ditë dhe të digjni 250 deri në 500 kalori në ditë përmes ushtrimeve.

Gjysmë kilogrami është afërsisht 3500 kalori. Për të humbur një kilogram në javë, do t’ju duhet të reduktoni marrjen e kalorive përmes dietës dhe stërvitjes me 3500 deri në 7000 kalori.

Për të përcaktuar se sa kalori duhet të hani në ditë për të arritur një deficit kalori, duhet të zbrisni 500 kalori nga marrja juaj ditore.

Sipas një studimi të Harvardit, një burrë 70 kilogramësh djeg mesatarisht rreth 300 kalori në një orë ecje, nëse i duhen rreth 17 minuta për të ecur 1.5 kilometra. Me atë peshë dhe ritëm, për të humbur një kilogram në javë, do t’ju duhet të ecni 90 minuta ose më shumë në ditë.

Mënyra më e mirë për të shmangur kilogramët e tepërt është të eliminoni pijet me sheqer nga dieta juaj, sepse ato përmbajnë shumë kalori. Ju gjithashtu duhet të reduktoni porcionet e vakteve tuaja dhe të zëvendësoni ushqimet e përpunuara dhe të yndyrshme me ushqime më të shëndetshme.

Përveç kësaj, është shumë e rëndësishme të shkruani se çfarë dhe sa hani, duke përfshirë numrin e kalorive. Më pas, me ndihmën e pajisjeve inteligjente, regjistroni kaloritë që keni humbur gjatë ecjes.

Së fundi, zbritni numrin e kalorive që keni humbur duke ecur në këmbë nga totali i kalorive që keni marrë përmes ushqimit për të parë nëse keni arritur qëllimin tuaj të kalorive për ditën. Humbja e 1 kile çdo javë do t’ju ndihmojë të humbni deri në 4 kilogramë në muaj, dhe gjëja më e mirë në lidhje me këtë mënyrë të humbjes së peshës është se ajo është afatgjatë.

Që ecja të ketë një efekt më të madh, është mirë që ta bëni gjatë ngjitjes, për shembull në një mal. Kështu, shpenzohen shumë më tepër kalori.