Ballkani mposhtet në ndeshjen e parë në Ligën e Konferencës

FC Ballkani ka humbur ndeshjen e parë në Ligën e Konferencës, duke pësuar një gol të vonë në 20 minutat e fundit të ndeshjes, Kalvach (73’) shënoi golin e vetëm në këtë ndeshje. Dinamo Zagreb është e para në Grupin C pasi që fitoi me rezultat 5-1 kundër FC Astanës. Në pozitën e dytë është Viktoria Plzen kurse në të tretë Ballkani

Ballkani e ka nisur me humbje ndeshjen e parë në Ligën e Konferencës duke u mposhtur nga Viktoria Plzen me rezultat 1-0.

Kampioni kosovar arriti  që të mbahet mirë në pjesën e parë, duke mos i lënë shumë mundësi skuadrës çeke që të depërtoi në zonë.

Ballkani disa herë doli përpara me Berishën, Hamidin dhe Gripshin por që nuk rrezikuan seriozisht portën kundërshtare pasi që Plzen ishin të kujdesshëm edhe në mbrojtje.

Rasti më i mirë në këtë ndeshje ishte në minutën 29-të kur Hranac bëri një goditje nga larg por Enea Koliçi bëri një pritje fantastike për t’ia mohuar golin vendasve.

Berisha pati një rast të mirë në minutën e 40-të, por në momentet e fundit mbrojtja çeke reagoi dhe evitoi rrezikun.

Viktoria Plzen ishin  më kërkues në pjesën e dytë dhe e kërkuan vazhdimisht golin.

Në një dalje të tyre përpara të Rafiu Durosinmi në minutën e 48 u kërkua që të referohet penallti, por gjyqtari kryesor i ndeshjes pasi e rishikoi me VAR shikoi se sulmuesi çek ishte në pozitë jashtëloje.

Viktoria Plzen vazhdonte që të rriste presionin, me Ballkanin që edhe në pjesën e dytë synonte që me kundërsulme ta sulmonte skuadrën vendasit.

Por, atëherë kur nuk pritej, Viktoria Plzen erdhi të goli.

Lukas Kalvach bëri një goditje të fortë, Kuç nuk arriti që ta devijojë atë si duhet dhe topi përfundoi në rrjetën e Enea Koliçit.

Në minutën e 73-të, Plzen kaloi në epërsi.

Minutat e fundit, Ballkani filloi të këndellet dhe ishte më përpara duke rrezikuar dy herë për të barazuar rezultatin.

Rasti më i mirë që Ballkani të shënonte ishte ai i minutës së 83-të kur Nazmi Gripshi bëri një goditje të mirë e cila përfundoi shumë pak mbi portën e portierit Stanek.

Zyba pati rastin tjetër të Ballkanit në minutën e 87-të. Goditja e tij më të majtën që përfundoi shumë afër shtyllës së djathtë të portës së Viktorias.

Në fund të ndeshjes, Viktoria arriti që të godasë edhe shtyllën derisa Ballkani humbi ndeshjen e parë në këtë ndeshje.

Ndeshjen e radhës në Ligën e Konferencës Ballkani do ta këtë në Prishtinë ku pret kampionin e Kroacisë, Dinamo Zagreb.