Reagon Rrahmani pas ndeshjes problematike mbrëmë
Kapiteni i Kosovës, Amir Rrahmani, ka reaguar për ndeshjen e mbrëmshme ndaj Rumanisë, ku u shfaq një baner ku thuhej “Kosova është Serbi”.
Rrahmani reagoi përmes një shkrimi në llogarinë e tij në Instagram duke thënë se “kur t’i shohim njerëzit si qenie njerëzore, jo si qytetarë të një shteti tjetër, i përmbushim vlerat e humanizmit”.
Kujtojmë se ndeshja mbrëmë u ndërpre për rreth një orë pas shfaqjes së banerit “Kosova është Serbi”.
Në lidhje me këtë, kryetari i FFK-së, Agim Ademi, ka thënë se Kosova do të kërkojë drejtësi në UEFA dhe CAS.
