Klubi turk e prezanton Meriton Korenicën
Meriton Korenica do ta vazhdojë karrierën në futbollin turk.
Futbollisti kosovar ka nënshkruar me ekipin nga kategoria e dytë në Turqi, Manisa.
Klubi turk e prezantoi përmes një videoje Korenicën.
“Mirë se erdhe në familjen tonë Meriton Korenica”, shkruhej në njoftimin e Manisas.
Manisa raportohet se ka paguar 200 mijë euro për shërbimet e ishit të Ballkanit.
Madje, në rast se ekipi turk siguron promovimin në ligën elitare, Ballkani do të përfitojë edhe 50 mijë euro tjera.
Përveç këtyre, kampioni i Kosovës ka ruajtur 20% të kartonit në rast se Korenica shitet diku tjetër.
