Ramiz Lladrovci dhe Don Xhoni nuk janë më shokë, a ishte kjo arsyeja që ua prishi raportet?
Kryetari i Drenasit Ramiz Lladrovci dhe reperi Don Xhoni gëzonin shoqëri të mirë së bashku. Gjërat kanë ndryshuar së fundmi. I pari i Drenasit që dikur e përcillte reperin edhe në klube nate, tani nuk e ndjek as në ‘Instagram’. Madje reperi nuk mori pjesë as në manifestimin “Muaji i mërgatës” si shenjë hidhërimi me kryetarin.
‘Mollë sherri’ për prishjen e raporteve u bë biznesi që Don Xhon ka në Drenas. Ky i fundit posedon një lokal ‘shisha bar’ të quajtur “Revolution”, terrasa e të cilit u ndërtua pa leje.
Drejtoria e Inspekcionit në Komunën e Drenasit me të marrë informatën se është duke u ndërtuar pa leje ka dalë në vendngjarje. Aty reperit iu tha që duhej ta rrënonte terrasen, ai iu bind urdhrit.
Drejtori i Inspekcionit në Komunën e Drenasit, Petrit Gashi, e ka konfirmuar këtë se lidhur me rastin kanë ndërmarrë të gjitha veprimet e nevojshme ligjore, shkruan Insajderi.
‘Janë ndërrmarrë të gjitha veprimet ligjore, sipas të cilave përcaktohen qartë që paraprakisht pala e ka obligim të pajiset me leje. Pasi pala nuk është pajisur me leje sipas urdhrit për ndalim të punimeve, ka vepruar duke e larguar vet terasen dhe duke e kthyer vendin në gjendje të mëpareshme. Prandaj të Jeni të njoftuar që Komuna nuk e ka rrënuar terasen në fjalë, por vet investitori e ka larguar sipas urdhërit të inspektorit pasi nuk është pajisur me leje. Drejtoria për Inspeksioni do të vepron në secilin rast kur vëren së është duke u nderuar pa leje“, thuhet në përgjigjen e dhënë për Insajderin.
Rrëzimi i terrasës pësoi me ‘hakmarrje’ nga reperi nga Drenasi. Siç mëson Gazeta Insajderi reperi nuk i është përgjigjur ftesës që të marrë pjesë në organizimin “Muaji Mërgatës’. Manifestim ky që mbahet nga Komuna e Drenasit tash e sa vite.
Xhonatan Isufi i njohur me nofkën Don Xhon, nuk përformoi në vendin e vet.
Me një kërkim të thjeshtë në rrjetin social ‘ Instagram’ del se dyshja nuk e ndjekin njëri tjetrin.
Lladrovci e Don Xhoni ishin shokë të mirë mes veti. Këtë e kishin pohuar ata vet edhe përmes rrjeteve sociale ku kishin publikuar edhe fotografi. Edhe gjatë kohës së fushatës Don Xhoni e kishte mbështetur Lladrovcin për kryetar të Drenasit.
