Pas një vere të ngarkuar me hyrje dhe dalje, PSG duket se është gati për jetën pa Mbappen dominues në Ligue 1.

Sipas gazetarit të RMC Sport, Fabrice Hawkins, Mbappe është në radarin e klubit të Arabisë Saudite, Al Hilal, të cilët synojnë të përfitojnë nga kaosi që rrethon situatën e tij.

Së bashku me një ofertë prej 400 milionë eurosh pagë, Al Hilal janë gjithashtu të përgatitur t’i ofrojnë PSG-së një tarifë transferimi prej 200 milionë euro për të nënshkruar marrëveshjen këtë verë.

Është mjaft interesante që marrëveshja përfshin gjithashtu një opsion që Mbappe t’i bashkohet Madridit në verën e vitit 2024, një lëvizje me të cilën ai është lidhur për një kohë tani.

Superliga e Arabisë Saudite ka parë që disa emra të mëdhenj të futbollit evropian të bëjnë kërcimin me Cristiano Ronaldon që është i pari, i ndjekur nga Karim Benzema, N’Golo Kante dhe Kalidou Koulibaly.

Interesi i Real Madridit për Mbappe ka qenë i gjatë dhe ka nevojë për të gjetur një zëvendësues për Benzema në vijën e parë të Carlo Ancelottit.

Sa i përket PSG-së, largimi i Mbappe mund të jetë gjëja më e mirë për të gjitha palët e përfshira dhe mund t’u japë atyre një nxitje masive financiare për të rinovuar skuadrën për të mbështetur trajnerin e ri Luis Enrique.

Pas dështimit të përpjekjeve të tyre të mëparshme për të bindur Mbappe që të qëndrojë për një kohë të gjatë, duket se ata tani më në fund janë gati të fitojnë para nga aseti i tyre të çmuar, në vend që ta lënë atë të largohet falas. /Telegrafi