Raportohet se thirret mbledhje urgjente nga FFK, pritet shkarkimi i Alain Giresse
Humbja 2-1 nga Bjellorusia mbrëmë në Budapest pritet t’i kushtojë me punë trajnerit të Kosovës, Alain Giresse.
Klan Kosova me anë burimesh ka marrë vesh se francezi pritet të shkarkohet nga pozita e trajnerit të Kombëtares së Kosovës, kategoria e burrave.
Ky medium raporton se në lidhje me çështjen kreu i Federatës së Futbollit të Kosovës (FFK), Agim Ademi do të thërras një mbledhje urgjente.
Kosova nuk ka shënuar asnjë fitore në katër ndeshjet e para në kualifikimet për Euro 2024.
Mbrëmë, kombëtarja jonë megjithëse luajti më mirë në pjesën më të mirë të lojës se Bjellorusia, në fund pësoi humbje me rezultat 2-1.
Kosova kësisoji është me vetëm tri pikë në tabelë, dhe me gjasa minimale për kualifikim.
Nacionale nuk ka arritur që ta verifikojë një gjë të tillë deri në këto momente.
