“IShowSpeed” më në fund takohet me Ronaldon, nuk përmbahet dot nga emocionet
Pas shumë përpjekjesh për të takuar Cristiano Ronaldon, IShowSpeed më në fund arriti ta takojë personalisht legjendën e futbollit të shtunën mbrëma.
Takimi mes Speed dhe Ronaldos ishte një moment i shumëpritur i mbushur me emocione të jashtëzakonshme, si për transmetuesin e njohur në rrjetet sociale, ashtu edhe për ndjekësit e tij.
i met him ronaldo🇵🇹 pic.twitter.com/4k5Ch22zZ9
— Speed⭐️ (@ishowspeedsui) June 17, 2023
Vitet e pritjes kulmuan në këtë moment i cili u kap nga kamerat dhe u publikua në rrjetet sociale.
IShowSpeed është një fans i flaktë i Ronaldos. Ai e ka shprehur vazhdimisht admirimin për yllin portugez, duke e konsideruar atë si një frymëzim për të.
Pas takimit me 38-vjeçarin, ai ra në gjunjë dhe i tregoi tatuazhin që kishte bërë në kujtim të festës tashmë të famshme të futbollistit të Al-Nassr.
Të dytë gjithashtu bënë festimin e njohur si “Siuuu”.
