Gerrard afër nënshkrimit me klubin nga Arabia Saudite
Steven Gerrard është parë në Arabinë Saudite teksa raportohet se është afër rikthimit në menaxhim.
Legjenda angleze është afër finalizimit të marrëveshjes me Al-Ettifaq.
Gerrard është parë këtë të hënë në qendrën stërvitore të këtij klubi, ku pastaj pritet edhe të nënshkruajë kontratën.
Trajneri anglez, bashkë me ndihmësit e tij, thuhet se panë nga afër klubin dhe patën takim me krerët e Al-Ettifaq.
🚨🚨🚨🚨🚨
ستيفن جيرارد ومساعدوه يغادرون مقر نادي #الاتفاق بعد جولة تفقدية واجتماع مع مجلس الإدارة
— منبر الاتفاق (@EttifaqKSA) June 12, 2023
43-vjeçari është pa skuadër që prej tetorit të vitit të kaluar, kur u shkarkua nga Aston Villa.
Steven Gerrard kishte udhëhequr edhe Rangersin, skuadër me të cilën ishte shpallur kampion në Skoci – sezoni 2020/21.
