Përleshje e ashpër në derbin kolumbian, të paktën 89 persona të lënduar
Të paktën 89 persona janë lënduar para fillimit të ndeshjes së kampionatit kolumbian të futbollit mes rivalëve të përjetshëm, Atletico Nacional nga Medellin dhe America.
Mbështetësit e klubit vendas hodhën monedha, shishe, pishtarë dhe shumëçka tjetër në fushë dhe në drejtim të policisë, çanë gardhin mbrojtës dhe u përpoqën të hynin në fushë.
Më pas ka pasur një konflikt frontal mes huliganëve dhe policisë, ku sipas informacioneve të fundit janë plagosur 89 persona, prej të cilëve 30 policë.
🇨🇴Chaos at Atanasio Girardot stadium before the match between Atletico Nacional and America Cali: Several ultras members confronted the police and caused the DIMAYOR to decide to cancel the match, and it will be played tomorrow morning without fans pic.twitter.com/ov1EHmwoSN
— BabaGol (@BabaGol_) April 16, 2023
Loja u anulua përfundimisht dhe drejtuesit e Federatës së Futbollit Kolumbian e caktuan ndeshjen për të mërkurën, por pa praninë e publikut.
Mediat kolumbiane raportojnë se Atletico Nacional do të ndëshkohet rëndë për incidentet, të paktën tre ndeshje të luajtura pa praninë e publikut në fushën e shtëpisë.
