Dardan Molliqaj për Periskopin pasi PSD u gjobit me 20 mijë euro: Është politike, do ta çojmë në gjykatë
Pasi Agjencia për Informim dhe Privatësi gjobiti PSD-në me 20 mijë euro gjobë, kryetari i kësaj partie, Dardan Molliqaj në një intervistë për Periskopin tha se nuk kanë pasur të drejtë ankese, derisa shtoi se javën e ardhshme do ta dërgojnë rastin në gjykatë, shkruan Periskopi,
Tutje Molliqaj akuzoi Kurtin për “kapjen e institucioneve të pavarura”.
“Është hera e parë që ndodh një dënim i tillë politikë. Ajo që mundemi me thanë këtu është kjo, institucionet që nuk janë të kapura nga Kurti janë institucione të kapura, ndërsa ato që I ka kap Kurti janë institucione të pavarura. Në krye të institucionit në fjalë është bashkëshortja e njërit prej aderimeve në Vetëvendosje, Artan Dërmakut, kolegë i ngushtë i ministrit Liburn Aliut. Pra ka të bëjë me një kolonizim të kësaj agjencie nga kjo ndërmarrje dhe çka është e vërteta ne nuk akuzohemi për publikim të të dhënave por kemi përdor peticion i cili tashmë sipas tyre e ka kry efektin ligjor, që është gënjeshtër e kulluar sepse mbledhja e peticionit në vitin 2015 nga tri subjekte politike nuk është shku sipas procedurave të kuvendit dhe nuk është drejtuar kuvendit po qeverisë në tekstin që e kanë nënshkruar qytetarët”, tha Molliqaj për Periskopin.
“Problemi është që ne nuk kemi pasur të drejtë ankese dhe javën që vjen do ta çojmë në gjykatë, do të lypim masë të përkohshme për këtë punë. Ne I kemi bërë një thirrje qytetarëve që me na ndihmu dhe ka fillu ndihma nga qytetarët diku 20 veta për dy ditë kanë jep shumë të ndryshme. Por ajo që jemi të sigurt 100% se është politike e dirigjuar”, vazhdoi Molliqaj./Iliriana Xhylani-Periskopi
Video:
