Benitez mund të bëhet trajner i kësaj skuadre të madhe nga Premierliga
Pas lamtumirës së Brendan Rodgers që ndërpreu kontratën me pëlqim të dyanshëm, Leicester është në kërkim të trajnerit të cilit mund t’i besojë pankinën në këtë periudhë kur skuadra do të luftojë për mbijetesë.
Për momentin ekipi drejtohet nga Adam Sadler dhe Mike Stowell.
Por, sipas mediave angleze, një nga emrat më të mundshëm për të qenë pasardhës i Rodgers do të ishte Rafael Benitez.
62-vjeçari ka drejtuar në vitin 2022 Everton-in, ndërsa nuk mund të lihen pa përmendur eksperiencat në krye të gjigandëve të njohur të futbollit europian si Napoli apo edhe Real Madrid.
Te “Dhelprat” ditët e ardhshme do të jenë vendimtare, pasi klubi nuk mund të presë shumë. Se si do shkojnë gjërat, na mbetet të presim e të shohim./bw
