Henderson flet pas fitores së thellë ndaj United: Ne jemi në rrugën e kthimit

Liverpooli e ka shkatërruar Manchester United në takimin e xhiros së 26’të në Premierligë.

Djelmoshat e Jurgen Klopp fituan me rezultatin final në 7:0 duke ia shkaktuar trajnerit Tehn Hag humbjen më të thellë që nga ardhja e tij te United, shkruan Periskopi.

Pas ndeshjes foli edhe kapiteni i Liverpoolit, Jordan Henderson, ku tha se të gjithë treguan cilësit e tyre dhe se ata do të fokusohen te ndeshja e ardhshme.

“Është një ditë fantastike për të gjithë. Nivelet e performancës, çdo lojtar ishte me cilësi të lartë. Mund të shihje se nivelet e energjisë ishin kthyer. Ne kemi treguar kohët e fundit se jemi në rrugën e kthimit. Është një gjë e madhe. Ne duhet të përqendrohemi në ndeshjen e radhës. Jam shumë i lumtur për Mo [Salah]. Ai ia kushton jetën futbollit. Ai është i pari brenda dhe i pari jashtë”, tha Henderson.