Muriqi shënon, VAR-i anulon golin, humbet Mallorca

Sulmuesi kosovar i Mallorcas, Vedat Muriqi sërish e ka gjetur rrugën e golit në La Ligë.

Megjithatë, goli i yllit të ‘Dardanëve’ i shënuar në minutën e 90+7’, është anuluar nga VAR-i.

Mallorca ka pësuar disfatë para tifozëve të saj nga Elche, me rezultat 0-1, ndeshje kjo e zhvilluar të shtunën në kuadër të La Ligës.

Golin e fitores për skuadrën mike e shënoi Boye (88’).

Pas kësaj humbje, Mallorca zë vendin e dhjetë me 32 pikë, kurse, Elche mbetet e fundit në renditjen tabelore me vetëm 10 pikë të tubuara.