Zyrtare: Derbi i madh shqiptar Tirana – Partizani luhet në “Air Albania”
Derbi Partizani – Tirana do të luhet në “Air Albania”.Edhe pse ka pasur shumë aludime për këtë supersfidë të javës së 24-të të Superiores, drejtuesit e të kuqve kanë vendosur që takimi të zhvillohet në impiantin modern.
Pas propozimeve të Federatës Shqiptare të Futbollit është arritur konsensusi që 16 herë kampionët e vendit të përballen me kampionët në stadiumin me kapacitet prej 23 mijë vendesh.Edhe pse u përfolu që Partizani do të luante ndaj Tiranës në shtëpinë e vet, duket se kjo ka qenë vetëm një “shashkë” për të trazuar atmosferën para derbit. Siç dihet, kjo përballje nuk luhet veç për rezultatin, por edhe për prestigjin.
Kësisoj përfundimisht derbi Partizani – Tirana do të zhvillohet në stadiumin “Air Albania”, në orën 19:00, të hënën e datës 6 mars.
