Vdes ish-futbollisti Just Fontaine, ka një rekord të madh në Botërore
Just Fontaine, i cili mban rekordin për më shumë gola të shënuar në një Botëror të vetëm, ka vdekur në moshën 89-vjeçare.
Fontaine shënoi 13 gola në vetëm gjashtë ndeshje për Francën në Kupën e Botës 1958 në Suedi, ndërsa ata përfunduan në vendin e tretë.
Ai është i katërti në listën e golashënuesve të të gjitha kohërave të Kupës së Botës së bashku me argjentinasin Lionel Messi.
Një minutë duartrokitje në nderim të Fontaine do të mbahet në të gjitha terrenet e futbollit francez, duke filluar nga ndeshjet e së mërkurës në Kupën e Francës.
