FIFA e zgjedh sonte “Futbollistin e Vitit 2022”, mësoni orën e saktë të ceremonisë
Sonte me fillim nga ora 21:00 do të mbahet Gala mbrëmja e FIFA-s për të zgjedhur futbollistin më të mirë të vitit 2022.
Lionel Messi, Kylian Mbappe dhe Karim Benzema janë në garë për ta fituar çmimin “Futbollisti më i mirë i Vitit 2022”, shkruan Periskopi.
Për këtë çmim është llogaritur periudha prej 8 gushtit 2021 deri më 18 dhjetor 2022.
Mediat e huaja raportojnë se favorit për ta fituar këtë çmim është shtatë herë fituesi i Topit të artë, Lionel Messi, i cili së fundmi e fitoi Kupën e Botës në Katar, ndërsa po shfaq formë solide edhe momentalisht.
Messi i ka shënuar 11 gola në 34 paraqitje me PSG-në në vitin 2022, krahas suksesit me Kombëtaren e Argjentinës.
Në konkurrencën e femrave, të nominuara për lojtaren e vitit janë Beth Mead, Alex Morgan dhe Alexia Putellas.
