Henderson thotë se është e vështirë të flasësh në këto momente
Henderson thotë se nuk është aspak i kënaqur me paraqitjen e sotme ndaj Real Madridit dhe ky është moment i vështirë për Liverpoolin.
Skuadra e Real Madridit ka deklasuar Liverpoolin në “Anfield”, duke fituar me rezultatin 2:5.
“Shumë e vështirë. Është e vështirë ta përmbledhemi menjëherë pas lojës. Ndjenjat janë të përziera. Zhgënjim i madh rezultatin. Për pjesë të mëdha të pjesës së parë ne kemi performuar mirë dhe ishim të pafat. Ne kemi bërë shumë gabime. Real Madrid na ndëshkoi çdo herë sonte”, tha fillimisht Henderson për BT Sports.
“Është e vështirë të vish këtu dhe të flasësh. Po, ata kanë shumë cilësi. Kur nuk je 100% duke mbrojtur ata ju ndëshkojnë. Ne i kemi shkaktuar vetes probleme ndonjëherë.
“Ne duhet të ecim shpejt. Ne kemi lojëra në Premier League para ndeshjes së kthimit, kështu që ne duhet të përqëndrohemi në ato takime, dhe ta kalojmë këtë moment të vështirë”, përfundoi ai.
