Përse nuk duhet të përtypni më kurrë çamçakëz

Përtypja e çamçakëzit është provuar që ndihmon shumë në lehtësimin e stresit dhe përmirësimin e produktivitetit.

Sipas American Dental Association, për sa kohë ju përtypni një çamçakëz, të jeni të sigurt se ai nuk i dëmton dhëmbët tuaj, përveçse i ndihmon ato duke pastruar mbetjet ushqimore, në mënyrë që dhëmbët tuaj të mbeten të pastër e të shëndetshëm.

Por çamçakëzi mund të ketë një anë të errët e cila mund të ndikojë drejtpërdrejt shëndetin tuaj.

Sipas një studimi të ri që është bërë, çamçakëzi përmban disa grimca të oksidit të titanit dhe përdoret si agjent zbardhues në strukturën e tij.

Oksidi i titanit gjendet gjithashtu tek pasta e dhëmbëve, majoneza, buka, qumështi i skremuar apo çokollata.

Përdorimi i tepërt i çamçakëzit ndikon në sistemin e tretjes, kryesisht tek zorrët pasi aty absorbohen vitaminat e të gjitha ushqimeve që konsumojmë gjatë ditës.

Në laboratorin e testimit të qelizave, studiuesit e Universitetit të Binghamton-it zbuluan se, ekspozimi ndaj grimcave të oksidit të titanit që gjenden në çamçakëz, ia bëjnë më të vështirë zorrëve absorbimin e hekurit, zinkut dhe acidit yndyror.

Ky është një lajm i keq pasi mund të çojë në pakësimin e lëndëve ushqyese, kryesisht tek gratë që humbasin hekur çdo muaj si pasojë e menstruacioneve.

Sigurisht që ka vend për studime të tjera të ngjashme, por studiuesit shqetësohen se sasia e tepërt e përdorimit e çamçakëzit në mënyrë të shkujdesur, mund të ndikojë funksionimin normal të organizmit të njeriut.

Për shkak se është shumë e vështirë të shmangim oksidin e titanit pasi gjendet në shumë lloje ushqimesh, zgjidhja më e mirë është të përdorim sa më pak ushqime të përpunuara.

Fillojeni ndërgjegjësimin tuaj nga shmangia e përdorimit të çamçakëzit… /Telegrafi/