Haaland pas fitores ndaj Arsenalit: Ne jemi kampionët në fuqi

Erling Haaland ka analizuar fitoren e Manchester Cityt, 3-1, ndaj Arsenalit, në kuadër të xhiros së 12-të të Premierligës.

“Ne jemi kampionët në fuqi, ndaj mendoj se mund të thuhet se ishte paraqitje kampione. Duhet të luajmë pak më shumë kështu në ndeshjet e tjera, jam shumë krenar për të gjithë ekipin dhe shumë i lumtur që jam këtu”, ka thënë ai.

Sulmuesi norvegjez pranoi se Arsenali ka qenë skuadra më e mirë në sezonin aktual.

“Ne pajtohemi që Arsenali ka qenë skuadra më e mirë këtë sezon, ndaj ardhja këtu dhe të luash kundër tyre nuk është e lehtë, por ne luajtëm shumë mirë dhe morëm tre pikë shumë të rëndësishme. Ne jemi sërish në këtë luftë”, ka qëlluar ai.

Haaland iu rikthye golave, pas tre ndeshjeve pa shënuar: “Kanë kaluar 20 minuta që kur shënova për herë të fundit një gol, duhet të vazhdoj të punoj… Jam shumë i kënaqur me gjithçka, na duhej një lojë si kjo, kjo është ajo që Mançesteri City duhet të bëjë.”