Liga e Kampionëve: PSG-ja e publikon listën e të ftuarve për ndeshjen me Bayernin
Paris Saint-Germaini e ka publikuar listën e të ftuarve për ndeshjen e nesërme të së tetës së finales së Ligës së Kampionëve.
Parisienët do të përballen me Bayern Munichun në duelin e parë, i cili do të luhet në “Parkun e Princave”.
Në listën e publikuar sot shihet rikthimi i yjeve si Kylian Mbappe, Lionel Messi e Marco Verratti, të cilët munguan në humbjen e fundjavës nga Monaco.
Messi e Verratti pritet të luajnë nga minuta e parë ndaj gjigantit bavarez, ndërsa për Mbappe nuk dihet ende nëse do të startojë apo jo, ndonëse është ftuar.
Gjiganti francez është i vendosur ta eliminojë klubin gjerman dhe ta fitojë Championsin, të cilin po e kërkon qe një jetë.
