E ardhmja e Aubameyang, flet Potter
Sulmuesi i Chelseas, Pierre-Emerick Aubameyang, ditëve të fundit është lidhur me një kalim në kampionatin ameerikan të futbollit MLS, ku skuadra e Los Angeles dëshiron transferimin e tij.
33-vjeçari është i pakënaqur te klubi londinez, që kur trajneri Graham Potter e la jashtë listës së Ligës së Kampioneve.
Një nga arsyet pse Aubameyang po shqyrton mundësin e largimit nga Chelsea, është edhe se pronarët e klubit londinez po besojnë në futbollistë të rinjë dhe duke lënë anash sulmusin gabonez.
Rreth largimit të Aubameyang, ka folur edhe trajneri aktual i Chelseas Graham Potter, i cili ka thënë se nuk ka asnjë të re në lidhje me të ardhmen e sulmuesit.
“Aubameyang është stërvitur si e gjithë pjesa tjetër e lojtarëve këtë javë. Është një profesionist i vërtetë dhe unë e vlerësoj këtë. Shoh që Aubameyang mbështet dhe i jep kurajo shokëve të skuadrës dhe përsa kohë është te Chelsea, jam i sigurt se ai do të japë maksimumin në çdo moment.;;, ka deklaruar Potter.
