Giroud edhe më afër rinovimit të kontratës me Milanin
Olivier Giroud raportohet se do të rinovojë kontratën me Milanin.
Sulmuesi francez vazhdon të jetë njëri prej futbollistëve kryesorë te “Rossonerët”, teksa ka shënuar 10 gola dhe regjistruar 6 asistime në 26 paraqitje këtë sezon.
Sipas “Sky Italia”, Giroud do të mbetet edhe për më gjatë në “San Siro”, teksa kontrata e re do të nënshkruhet në fillim të javës që po vjen.
Mediumi italian raportoi se 36-vjeçari do të zgjasë kontratën deri në verën e vitit 2024.
Kontrata aktuale e reprezentuesit të Francës skadon më 30 të këtij viti.
Olivier Giroud ka zhvilluar në total 64 paraqitje me Milanin, teksa ka shënuar 24 gola dhe shtuar 10 asistime.
