Pas Ronaldos, Al Nassr i dërgon ofertë edhe Modricit
Pas Cristiano Ronaldos, Al-Nassr po synon që të transferojë edhe yje tjerë të futbollit.
Njëri nga emrat e përmendur së fundmi është edhe ish-bashkëlojtari i portugezit te Real Madridi, Luka Modric.
Duke u bazuar në burimet e veta, “Okaz Sports” ka raportuar se Al-Nassr i ka bërë një ofertë zyrtare mesfushorit kroat.
Sipas mediumit arab, bëhet fjalë për një kontratë për 2 vite e gjysmë, me vlerë prej më shumë se 40 milionë eurosh.
Klubi nga Arabia Saudite thuhet se e synon transferimin e Modricit gjatë këtij afati dimëror. Por, në rast se një marrëveshje nuk arrihet, klubi do të synojë në verë.
Pas përfundimit të sezonit, ish-mesfushori i Tottenhamit mund të largohet si futbollist i lirë nga “Santiago Bernabeu”.
مصادر لـ #عكاظ: «العالمي» يعرض 40 مليون يورو للظفر بموديريتش..
هل يعيد #النصر إنجازات ثنائي «الريال»؟#عاجلhttps://t.co/p1NEB6TJzy pic.twitter.com/SGKPhElvZ3— عكاظ الرياضية (@Okaz_Sports) January 24, 2023
37-vjeçari me “Los Blancos” ka kontratë të vlefshme deri më 30 qershor 2023.
Pavarësisht moshës, ai po vazhdon të jetë njëri prej lojtarëve kryesorë te Real Madridi – teksa edhe trajneri i skuadrës, Carlo Ancelotti, e pëlqen shumë lojtarin.
