Flelix nga minuta e parë për Chelsean kundër Fulhamit sonte

Fulham do të synojë sonte që të hyjë në top 6 skuadrat më të mira në Premier Ligë derisa ata e presin Chelsean në derbi në Craven Cottage – skuadër që ka një formë të dobët në ligë dhe në kupa së fundi

Fulhami i sapopromovuar ka pasur një sezon fantastik dhe do të kërkojnë që të fitojnë ndaj fqinjëve të tyre në derbin lokal që luhet sonte.

Cottagers për momentin janë në vendin e shtatë në Premier Ligë dhe kanë treguar kualitetin e tyre nën drejtimin e trajnerit Marco Silva. Ata sapo kanë mposhtur Hull Cityn me rezultat 2-0 në rrethin e tretë të FA Cup, duke pasur kështu një ecuri prej 4 fitoreve gjatë kësaj kohe.

Duke pasur parasysh hendekun e formës dhe talentit të dy skuadrave në letër, Chelsea është një skuadër superiore për këtë ndeshje. Por, gjërat kanë ndryshuar në mënyrë drastike këtë vit dhe Fulham do të hyjë në këtë ndeshje për të fituar tri pikë.

Sa i përket Chelsea, Graham Potter është duke u përballur me presion të jashtëzakonshëm nga fansat e skuadrës nga Stamford Bridge, pas një fillimi premtues menaxheri i Chelsea ka rezultate jashtëzakonisht të dobëta.

Londinezët perëndimor janë eliminuar nga dy garat vendore në kupa, nga FA Cup dhe Carabao Cup, e para nga kampionët e Premier Ligës Manchester City por është harruar se kur kanë fituar edhe në Premier Ligë.

Blutë për momentin janë në vendin e dhjetë para ndeshjes së tyre kundër Fulham dhe derisa kanë qenë në top katërshe në sezonet e kaluara, tani ata kanë 10 pikë më pak së vendi i katërt Manchester United dhe jemi në mes të sezonit.

Graham Potter shpresojnë në një rezultat pozitiv sonte në Premier Ligë në mënyrë që të synojë që të arrin në vendin e katër derisa skuadra e tij ka vazhduar që të shpenzojë në merkaton e dimrit.

Kështu sonte nga fillimi në sulm për Chelsea ka startuar me përforcimin e tyre të ri, Joao Felix i cili në sulm do të jetë me Havertz dhe Mount.