Potter për Felix: Kemi marrë një super lojtar, nuk e di a mund të luajë nesër
Graham Potter ka konfirmuar se Chelsea është ende në pritje të konfirmimit nëse Joao Felix mund të luajë ndaj Fulham të enjten.
Blutë njoftuan ardhjen e portugezit nga Atletico Madrid në huazim deri në fund të sezonit gjatë ditës së sotme.
Trajneri i Chelseat, Potter beson se skuadra e tij ka arritur të sigurojë një talent cilësor.
“Ai është një lojtar cilësor, ai mund të bëjë diferencën. I ri por ka pasur përvojë të mirë. Ai është një lojtar cilësor që u jep të gjithëve një ngritje”, tha Potter.
“Ishte mirë që e morëm në stërvitje sot dhe do të shohim se a mund të luajë të enjten”, përfundoi ai.
