Mbappe i përgjigjet Martinezit për festimet e tij
Ylli i Francës dhe i Paris Saint-Germain, Kylian Mbappe, ka reaguar më në fund rreth talljeve të fituesit të Kupës së Botës, Emiliano Martinez, pasi francezi u kthye në aksion me skuadrën e tij në Ligue 1. Ai tha se ka gjëra më me rëndësi për të bërë, duke shtuar se nuk harxhon energji në gjëra koti.
Mbappe e bëri rikthimin e tij në klub në më pak se dy javë pasi pësoi dhimbje në Kupën e Botës me Francën pasi humbi në finale ndaj Argjentinës. Pasi shënoi një penallti në kohën e shtesë për të ndihmuar PSG-në të mposhtte Strasburgun në një ndeshje të Ligue 1, Mbappe u pyet për talljet e shumta ndaj tij nga portieri argjentinas Martinez, i cili mbajti një kukull me fytyrën e sulmuesit të mbërthyer në të gjatë festimeve të trofeut në vendlindjen e tij javën e shkuar.
“Festimet nuk janë problemi im. Mos harxhoni energji për gjëra të tilla të kota, gjëja e rëndësishme për mua është të jap më të mirën nga vetja për klubin tim,” tha fillimisht 23-vjeçari.
Mbappe diskutoi gjithashtu ribashkimin e tij me kapitenin e Argjentinës Lionel Messi në Parkun e Princave, duke shtuar: “Do të presim që Leo të kthehet për të vazhduar të shënojë dhe të fitojë ndeshjet. Fola me të pas finales, e përgëzova. Ishte kërkimi i jetës për të, edhe për mua, por dështova, kështu që duhet të jesh gjithmonë një sportist i mirë.”
Francezi shënoi një het-trik për vendin e tij në finalen e Kupës së Botës për ta çuar në mënyrë sensacionale ndeshjen në penallti. Por me gjithë përpjekjet e tij më të mira, ai nuk ishte në gjendje t’i ndihmonte ata të kalonin gjuajtjet nga 11 metra.
Martinez që atëherë është fotografuar duke sulmuar Mbappen me festimet e tij në më shumë se një rast, pasi ka vënë në pikëpyetje njohuritë e futbollit të yllit të PSG para Kupës së Botës në përgjigje të komenteve të tij të diskutueshme mbi standardin e kualifikimeve në Amerikën e Jugut.
