Sa është vlera e Kombëtares së Arabisë që mposhti Messin e Argjentinës?

Kombëtarja e Argjentinës e ka humbur ndeshjen e saj të parë hapëse në Kupën e Botës ndaj Arabisë Saudite.

Ndonëse pjesën e parë e filluan mirë, madje edhe kaluan në epërsi përmes golit të Messit nga pika e bardhë, më të ardhur pjesa e dytë ndodhi edhe ndryshimi, shkruan Periskopi.

Kombëtarja e Arabisë duket ishin betuar që kjo ndeshje të ishte e tyre, madje ata shënuan dy herë me Al Shehri në minutën e 48’të dhe golin e fitores e realizoi Al Dawsari në minutën e 53’të.

Kishte mjaftueshëm kohë që Argjentina të bënde diçka më shumë, por kjo nuk ndodhi dhe përfundoi me humbjen e parë pas 36 ndeshjeve të pamposhtur.

Por, nëse e shikojmë vlerën në euro të Kombëtarëve, Argjentina është 25 fish më e shtrejtë se ajo e Arabisë Saudite.

Kështu, skuadra e Arabisë Saudite vlen rreth 25 milionë euro, kurse ajo e Argjentinës hiç më pak se 645 milionë euro, diferencë e madhe e cila nuk u reflektua në fushë./Periskopi/