Messi flet pas humbjes së parë në Botëror – Kjo është deklarata e tij e fuqishme si kapiten i Argjentinës

Kombëtarja e Argjentinës e ka humbur ndeshjen e saj të parë hapëse në Kupën e Botës ndaj Arabisë Saudite.

Ndonëse pjesën e parë e filluan mirë, madje edhe kaluan në epërsi përmes golit të Messit nga pika e bardhë, më të ardhur pjesa e dytë ndodhi edhe ndryshimi, shkruan Periskopi.

Lionel Messi pas kësaj disfate në 1:2 tha se nuk dëshiron të arsyetohet për humbjen, por t’i bashkojnë forcat dhe të fitojnë në ndeshjet e ardhshme.

“Nuk ka arsyetime. Ne do të jemi më të bashkuar së kurrë më parë. Ky ekip është i fortë dhe këtë e kemi dëshmuar në të kaluarën”, tha Messi pas ndeshjes.

“Ne nuk prisnim se do ta fillonim kështu, por gjërat ndodhin për një arsyeje. Tani duhet të fitojmë dhe të fitojmë, e tëra varet nga ne”, theksoi ylli i Paris Saint-Germainit.

Kujtojmë se ndeshjen e dytë Argjentina do ta luajë ndaj Meksikës me 26 nëntor me fillim nga ora 20:00./Periskopi/