Ronaldo: Guardiola bëri gjithçka që mundi për të më transferuar te Man City
Cristiano Ronaldo ka konfirmuar se Pep Guardiola dhe Manchester City donin ta nënshkruanin verën e kaluar.
Ronaldo u kthye në Manchester United nga Juventus në vitin 2021, Ku edhe City ishin të interesuar për sulmuesin portugez, përcjellë Periskopi.
“Isha afër të shkoja te City, është diçka për të cilën fola shumë, ata u përpoqën shumë”, tha Ronaldo për Piers Morgan në një intervistë të mërkurën.
“Guardiola bëri gjithçka që mundi për të më transferuar në City.
“Por zemra ime, ndjenjat e mia dhe ajo që kisha bërë më parë, dhe Sir Alex Ferguson, bënë ndryshimin”.
Ronaldo tha se Ferguson luajtin gjithë rolin që ai të jetë me Man United, i cili ishte trajner gjatë periudhës së tij të parë në Old Trafford.
Megjithatë, pavarësisht se ai thotë se ai ende e do klubin, Ronaldo ka sulmuar stafin stërvitor dhe pronarët këtë javë.
Kështu, Ronaldo pritet të largohet nga Man United qysh në janar.
