Kaka: Sa keq që nuk do t’i shohim Kvaratskhelia dhe Haaland në Kupën e Botës

Ikona braziliane e futbollit, Leite Kaka ka dhënë disa komente lidhur me Kampionatin Botëror 2022.

Kaka ka folur lidhur me rrethanat në të cilat zhvillohet Botërori, duke përmendur faktorë si temperatura, udhëtimet dhe gjëra të tjera, por ka folur edhe për emrat që do të mungojnë.

Sipas Kaka, është gjynah për tifozët që nuk do të kenë mundësi të shohin në Botëror emra si Kvaratskhelia dhe Erling Haaland.

“Ai (Kvaratskhelia) është shumë i mirë, surprizë e këndshme. Shumë keq që ai dhe Haaland nuk u kualifikuan për Kupën e Botës”, ka thënë Kaka.

“Fantazia gjithmonë të surprizon. Lojtarët që mund t’i gjejnë zgjidhjet që të tjerët s’i shohin, ata bëjnë diferencën”, shtoi braziliani.

Kvaratskhelia është pjesë e kombëtares së Gjeorgjisë, kurse Haaland i Norvegjisë. Asnjëra kombëtare nuk siguroi dot kualifikimin.