Ky është mashkulli më sexy në botë për vitin 2022 sipas People
Aktori i Captain America, Chris Evans, mori këtë vit titullin e revistës People për vitin 2022 “Sexiest Man Alive”.
Vitin e kaluar këtë titull e mori miku i Evans, Paul Rudd. Në fakt, Evans u përfol se e kishte fituar ai titullin vitin e kaluar përpara se Rudd të shpallej zyrtarisht – duke habitur shumë fansa.
“Mamaja ime do të jetë shumë e lumtur,” tha Evans pas lajmit. “Ajo është krenare për gjithçka që bëj, por kjo është diçka për të cilën ajo mund të mburret me të vërtetë.”
Nëna e tij, Lisa, i tha People se nuk ishte aspak e befasuar që djali i saj i pashëm u konsiderua si njeriu më seksi i gjallë.
Evans u bë i famshëm me rolin e tij si superheroi Johnny Storm në dy filma “Fantastic Four” të publikuar në vitet 2005 dhe 2007. Megjithatë karriera e tij mori hov kur luajti në “Captain America: The First Avenger” në 2011-ën. Ai e riprodhoi rolin në 10 filma të Marvel duke përfunduar në 2019-ën me “Avengers: Endgame”.
Meshkuj të tjerë seksi në të kaluarën janë shpallur nga People: Michael B. Jordan, John Legend, Dwayne Johnson, Idris Elba, Adam Levine, Richard Gere, Channing Tatum dhe David Beckham.
