Ky është sekreti për të patur një raport seksual më të mirë me partnerin

Nëse jeni në një fazë kur me partnerin nuk po ndiheni shumë të afërt për shkak të raportit seksual, ka diçka që mund ta ndryshojë situatën tuaj. Biseda rreth seksit është e dobishme, sepse mund t’i afrojë partnerët dhe të ndihmojë në thellimin e intimitetit dhe ndërtimin e besimit të ndërsjelltë.

Lidhshmëria emocionale dhe liria e të qenit të sinqertë ndaj njëri-tjetrit mund të kontribuojnë që edhe në seks të jemi më të kënaqur, andaj biseda e mirë  është baza e çdo marrëdhënieje.

Por pse është shpesh kaq e vështirë për ne që ta fillojmë atë?

Shumica e meshkujve ndiejnë presion rreth faktit se sa të mirë janë në krevat. Të jesh mjaftueshëj i mirë, të jesh rezistent, të dish se organi jot gjenital është mjaftueshëm për partneren etj., është një pyetje që e mbajnë të gjithë meshkujt në kokë. Prandaj nëse partnerja i pyet se “çfarë dëshirojnë më shumë në shtrat”, ata mund ta marrin si një shenjë se nuk kanë qenë shumë të suksesshëm.

Ndërsa gratë frikësohen nga ana tjetër se një bisedë e hapur për seksin do të ndikojë për ta sulmuar, pasi do t’i duhet të tregojë një përvojë me partnerë të mëparshëm. Por mbani mend se pyetjet rreth seksit nuk duhet t’ju pengojnë të punoni për të shijuar më shumë trupin tuaj dhe të partnerit.

Filloni me udhëzime të lehta dhe pozitive si “më pëlqeu kur e bëre atë gjest”, për të treguar atë që të pëlqen dhe përpiqu të mos bësh shumë komente negative. Partneri juaj ka nevojë për udhëzime; Nëse jeni partnerë të rinj me njëri-tjetrin, mësojini se si funksionon trupi juaj. Tregohuni të qartë për atë me të cilën ndiheni rehat dhe çfarë është një “jo” për ju.

Seksi është një proces mësimor. Nuk ka dy trupa të njëjtë, kështu që ajo që bëni në një marrëdhënie me një person nuk do të jetë domosdoshmërisht e rehatshme me një partner një tjetër, ndaj është e rëndësishme të mësoni se çfarë funksionon me partnerin tuaj të ri. Nëse nuk pyet, nuk do ta dish kurrë me siguri.

Pra, kur i dashuri juaj hapet, sigurohuni që ai ta dijë se sa e lumtur jeni që ai ju beson mjaftueshëm për të qenë i sinqertë.

Zgjidhni një kohë për të folur; Zakonisht nuk është një ide e mirë të flasësh për seksin menjëherë para, pas ose gjatë seksit, sepse atëherë mund të thoni gjëra nga ndjesitë e momentit. Gjeni një kohë më të mirë, për shembull kur jeni para televizorit, ose në një shëtitje në natyrë.