Real Madrid ekipi i tretë më i mirë në botë, Ancelotti: Unë e respektoj çmimin, por jemi më të mirët – e treguam në maj
Çfarë mendon Carlo Ancelotti për vendin e tretë të Realit në renditjen e klubeve?
Pyetjes në konferencën për shtyp në prag të ndeshjes kundër Elches, trajneri italian iu përgjigj: “Nuk i di kriteret. Jemi më të mirët sepse fituam Champions League. Kam respekt për çmimin, por ne e fituam atë që ka rëndësi në maj”.
Kujtojmë se Manchester City e fitoi mbrëmë çmimin si ekipi më i mirë në botë nga France Football në ceremoninë e Topit të Artë.
Liverpooli mori vendin e dytë – kurse Real Madridi vendin e tretë.
