Benzema: Kurrë nuk ndalova së punuari dhe nuk hoqa dorë asnjëherë
Karim Benzema dhe zyrtarisht është fituesi i “Topit të Artë” të vitit 2022.
Me atë se çfarë bëri sezonin e kaluar me Real Madridin në La Liga dhe Ligën e Kampionëve ai vërtetë e meritoi këtë çmim sonte, shkruan Periskopi.
Pas pranimit të çmimit sulmuesi i Francës tha se është shumë i lumtur dhe se ai nuk ndaloi asnjëherë së punuar shumë për këtë ditë.
“Kisha një periudhë të vështirë kur nuk isha në skuadrën franceze, por kurrë nuk pushova së punuari shumë dhe nuk hoqa dorë.
“Me të vërtetë krenar për udhëtimin tim këtu. Nuk ishte e lehtë, ishte e vështirë. Të jem këtu sot për herë të parë, jam i lumtur, i kënaqur për punën time dhe dua të vazhdoj.
“Dua të falënderoj të gjithë bashkëlojtarët e mi në Real Madrid dhe Francë dhe trajnerin tim dhe presidentin e Real Madridit që është këtu këtë mbrëmje dhe gjithashtu mbështetjen e Jean-Michel Aulas [presidenti i Lyonit].
“Ka shumë njerëz për të falënderuar. Është një çmim individual, por gjithsesi kolektiv për shkak të të gjithë atyre që luajtën një rol në të”, tha ai.
