Këtë rekord nuk e ka arritur askush – Salah e vendosi sonte në Ligën e Kampionëve
Mohamed Salah është futur në librat e historisë në Ligën e Kampionëve.
Sulmuesi egjiptian shkëlqeu sonte në fitoren që Liverpooli e arriti në udhëtim kundër Rangersit me rezultatin 1:7.
Salah kompletoi një het-trik në këtë ndeshje, duke shënuar në minutat 76, 80 dhe 81.
Kësisoj, 30-vjeçari është bërë futbollisti që ka kompletuar më së shpejti një het-trik në histori të Ligës së Kampionëve.
Askush më herët nuk ia ka dalë që të shënoi tre gola brenda pesë minutave në këtë garë.
