Napoli nuk gabon ndaj Ajaxit, siguron kalimin tutje në Ligën e Kampionëve
Napoli ka regjistruar edhe fitoren e katërt radhazi në Ligën e Kampionëve.
Në ndeshjen e katërt në Grupin A, skuadra e drejtuar nga Luciano Spalletti shënoi fitore ndaj Ajaxit.
Ndeshja e zhvilluar sonte në stadiumin “Diego Armando Maradona” përfundoi me rezultatin 4:2.
Hirving Lozano (4’), Giacomo Raspadori (16’), Khvicha Kvaratskhelia (62’ – penallti) dhe Victor Osimhen (90’) shënuan golat e fitores për napolitanët.
Kurse, Davy Klaassen (49’) dhe Steven Berwijn (83’ – penallti) shënuan për holandezët.
Napoli pas kësaj fitore ka 12 pikë dhe prin në grup, pasi ka fituar të katër ndeshjet e para në grup.
Skuadra italiane ka siguruar edhe kalimin e grupeve, teksa mbetet të shihet nëse do të kualifikohet tutje nga pozita e parë apo e dytë.
Ndërkaq, Ajaxi renditet i treti me 3 pikë.
