Tifozët janë të bindur që Pep Guardiola ‘krijoi’ Mikel Artetën për ta bërë më të fortë garën për titull në Premierligë

Tifozët e Premierligës besojnë se menaxheri i Manchester Cityt, Pep Guardiola, “krijoi” trajnerin e Arsenalit, Mikel Arteta, për ta bërë më të fortë garën për titull.

City doli në krye të tabelës të shtunën pas një fitore 4-0 ndaj Southampton. Topçinjtë më pas u rikthyen në vendin e parë të dielën me një fitore 3-2 ndaj Liverpoolit, shkruan Periskopi.

Arteta është duke organizuar një skuadër cilësore në Emirates Stadium dhe forma e tyre aktuale është e jashtëzakonshme, duke pasur parasysh përfundimin e tyre në vendin e pestë sezonin e kaluar.

Mbështetësit kanë zhvilluar një teori në mediat sociale. Spanjolli ka punuar më parë si ndihmës menaxher i Cityt nën drejtimin e Guardiolës gjatë viteve 2016 dhe 2019.

Atij iu dha bekimi i Guardiolës për të marrë detyrën në Arsenal.

Gjatë kohës së Artetës në Arsenal, City fitoi dy tituj të Premierligës. Sfida e tyre e vetme erdhi nga Liverpool dhe skuadra e Jurgen Klopp duket se ka rënë në këtë sezon.

Për faktin se Arsenali firmosi me Oleksandr Zinchenko dhe Gabriel Jesus nga City këtë verë, të gjithë bëjnë shaka se ngritja e tyre është e bërë me plan.

Një person komentoi: “Guardiola dominoi ligën aq shumë sa krijoi një trajner dhe i shiti lojtarët e tij për ta sfiduar për titullin e Premier League”.

Një tjetër shkroi në Twitter: “Pep krijoi një përbindësh për ta sfiduar veten. Ai është i nivelit Batman.”

Dikush tha: “Pep-i krijoi fundin e tij, ju nuk mund ta krijoni atë.”

Ndërsa një i katërti shtoi: “Çfarë ndodh kur kjo të jetë e vërtetë?”, tha ai.