E meriton – Barcelona do të ndërtojë një statujë për Leo Messin në “Camp Nou”
Cilado qoftë e ardhmja e tij si lojtar, në PSG apo diku tjetër, Lionel Messi do ta ketë një statujë të ndërtuar në “Camp Nou”.
Gazeta La Vanguardia raporton këtë të enjte se klubi katalanas tashmë ka përfunduar planin për ndërtimin e një statuje të sulmuesit 35-vjeçar argjentinas në Camp Nou.
Kështu ai do t’i bashkohet Laszlo Kubala dhe Johann Cruyff, të cilët tashmë kanë një skulpturë të tyre përpara stadiumit.Nuk flitet për orarin e ndërtimit dhe inaugurimit të statujës.
Gjithsesi, e përditshmja spanjolle saktëson se kjo nismë nuk lidhet me të ardhmen futbollistike të Messit. Pra, nëse ai do të luajë sërish me Barcelonën apo jo.
