“Trent Alexander-Arnold mund të bëhet mbrojtësi i krahut më i mirë në histori”

Gary Neville nuk ka kursyer lëvdatat për mbrojtësin e Liverpool, Trent Alexander-Arnold.

Ndonëse Liverpool është rivali i përbetuar i Neville, ky i fundit ka dhënë motivim për lojtarin e ‘Reds’, Arnold, i cili së fundmi po kritikohet për paraqitjet e tij.

Alexander-Arnold së fundmi ka marrë disa kritika për angahzimin e tij në aspektin defensiv, por viteve të fundit ka qenë padyshim më i miri në pozitën e tij.

Sipas ish-mbrojtësit të Man United, Neville, Arnold mund të bëhet më i miri në histori.

“Ai bën punën e rëndë të ndeshjes. Asnjë mbrojtës krahu që kam parë ndonjëherë në këtë vend s’mund të bëjë atë që bën ky, kështu që nëse ai punon në këto katër gjëra bazë dhe mban konsistencën me ato gjëra, ne s’do të kemi vetëm një nga mbrojtësit e krahut më të mirë sulmues, por do të kemi mbrojtësin e krahur më të mirë që bota ka prodhuar”, ka thënë Gary Neville.

Arnold ka fituar tashmë çdo trofe që mund të fitohet në nivel klubesh. Ai është një nga mbrojtësit që prodhon më së shumti në fazën ofensive.

Krejt çka yllit anglez i duhet është të përmirësohet në aspektin defensiv, për të heshtur ata pak kritikues që i ka.