Zyrtare: Potter trajner i ri i Chelseat
Graham Potter është edhe zyrtarisht trajner i ri i Chelseas.
”Klubi i Futbollit Chelsea është i kënaqur të mirëpresë Graham Potter si trajnerin tonë të ri, duke na bashkuar me një kontratë pesëvjeçare për të sjellë futbollin e tij progresiv dhe stërvitjen inovative në Klub.”, thuhet në komunikatën e klubit.
Blutë e kanë zyrtarizuar Potter si trajner të ri para pak minutave përmes një njoftimi zyrtar.
Potter së fundi ishte trajner i skuadrës së Brightonit , ku ai arriti përfundimin më të lartë të klubit në ligë sezonin e kaluar.
“Jam jashtëzakonisht krenar dhe i emocionuar që përfaqësoj Chelsea FC, këtë klub fantastik futbolli. Jam shumë i emocionuar që do të bashkëpunoj me grupin e ri të pronësisë së Chelsea-t dhe mezi pres të takohem dhe të punoj me grupin emocionues të lojtarëve dhe të zhvilloj një ekip dhe kulturë për të cilën tifozët tanë të mrekullueshëm mund të jenë krenarë. Do të doja gjithashtu të falenderoja sinqerisht Brighton & Hove Albion që më dha këtë mundësi dhe në veçanti Tony Bloom dhe të gjithë lojtarët, stafin dhe mbështetësit për mbështetjen e tyre të vazhdueshme gjatë kohës sime në klub.”, tha Potter pas zyrtarizimit të Chelsea.
