Fury thotë se mund të mposht Usyk vetëm me një javë trajnim
Tyson Fury vazhdon të bëjë bujë në internet në prag të një meçi të mundshme kundër Oleksandr Usyk për të unifikuar titujt dhe mundësinë për t’u quajtur kampioni i padiskutueshëm i peshave të rënda të botës.
Kampioni britanik i peshave të rënda tani madje ka thënë se ai do të ishte në gjendje të mposhtte Usykun me vetëm një javë stërvitje, për shkak se ai ishte shumë më i vogël se ai, shkruan Periskopi.
Të shtunën e kaluar, Usyk arriti të ruante titujt e botës në WBO, WBA, IBF, IBO pasi mposhti Anthony Joshua-n në një revansh të shumëpritur prej 12 raundesh që u zhvillua në Arabinë Saudite.
Usyk ia kishte marrë titujt Joshua-s gati një vit më parë, me vendim unanim.
Tyson Fury mendon se Oleksandr Usyk është një peshë e mesme.
Usyk është padyshim luftëtari më i vogël, por Tyson Fury e çoi më tej dhe tha se ukrainasi nuk është gjë tjetër veçse një luftëtar i peshave të mesme që u ngjit në kategorinë e peshave të rënda.
“Ai po boksonte me 75 kilogramë si amator. 75 kilogramë!? Kjo është arsyeja pse unë e quaj atë një peshë të mesme. Unë kurrë nuk kam thënë se nuk do të jetë punë e lehtë. E gjithë kjo ‘legjendë kile për kile ‘ marrëzi, nuk e vlerësoj atë”, tha Fury.
“Më lejoni t’ju them, unë mund ta mposht Usykun me vetëm një javë stërvitje, sepse ai është një peshë e mesme, Unë do të vendos grushtin tim drejt tij… Është një luftë e lehtë”, deklaroi britaniku për ‘Talk Sport’.
