Ballkani tash mund të përballet me klube të njohura evropiane, ja kur do të hidhet shorti i grupeve të Ligës së Konferencës
Ballkani ka shkruar historinë e futbollit kosovar sonte. Klubi kampion i Kosovës është kualifikuar në fazën e grupeve të Ligës së Konferencës.
Suharekasit arritën ta mposhtnin në dy ndeshjet ekipin shqiptar nga Maqedonia e Veriut, Shkupin.
Ishte goli i Meriton Korenicës në minutën e 70-të i cili vulosi fatin e këtij takimi dhe kualifikimin e suharekasve.
Shorti për Ligën e Konferencës do të mbahet nesër diku rreth orës 14:30, pas shortit të Ligës së Evropës.
